BAFTA Cymru yn lansio galwad am geisiadau ym mlwyddyn pen-blwydd Gwobrau Cymru
Meini prawf ehangach yn sicrhau bod yr holl Gymry dawnus sy’n gweithio ar gynyrchiadau’r Deyrnas Unedig yn gymwys bellach
Heddiw, mae’r Academi Brydeinig Celfyddydau Ffilm a Theledu (BAFTA) yng Nghymru, sef BAFTA Cymru, wedi lansio eu galwad am geisiadau ar gyfer Gwobrau Cymru 2016.
Bydd y 25ain seremoni, a fydd yn dathlu doniau yng Nghymru ar draws meysydd cynhyrchu ffilm a theledu a rolau crefft a pherfformio, yn cael ei chynnal ar 2 Hydref yn Neuadd Dewi Sant.
Gwahoddir unigolion a chwmnïau i enwebu cynyrchiadau a ddarlledwyd gyntaf neu a ddangoswyd mewn gŵyl ffilmiau gymeradwy rhwng 1 Ebrill 2015 a 31 Mawrth 2016 erbyn y dyddiad cau, sef 26 Ebrill.
Yn sgil adolygu’r meini prawf cymhwysedd ar gyfer Gwobrau y llynedd, mae BAFTA Cymru bellach yn annog unigolion Cymreig sydd wedi gweithio ar gynyrchiadau Cymreig neu’r Deyrnas Unedig - yn hytrach na chynyrchiadau Cymreig yn unig - i ymgeisio am unrhyw un o’r 16 categori crefft a pherfformio. Bydd y newid hwn yn sicrhau bod BAFTA yng Nghymru yn gallu cydnabod gwaith unigolion dawnus sy’n gweithio ar gynyrchiadau rhwydwaith mewn rolau crefft neu berfformio ledled y Deyrnas Unedig.
Dywed Hannah Raybould, Cyfarwyddwr BAFTA Cymru: “Rydym ni’n awyddus i gydnabod rhagoriaeth y Cymry dawnus sy’n gweithio ym maes cynhyrchu ffilm a theledu yn y Deyrnas Unedig a bydd ein meini prawf cymhwysedd newydd yn caniatáu i ni ymgysylltu â chronfa ehangach o weithwyr proffesiynol a thaflu goleuni ar eu cyflawniadau diweddar. Mae BAFTA Cymru yn bodoli i ddathlu rhagoriaeth Gymreig yn y cyfryngau creadigol.”
Anogir gweithwyr proffesiynol unigol i ymgeisio am y gwobrau eu hunain, yn ogystal â chwmnïau cynhyrchu a darlledwyr – cyn belled â’u bod wedi gweithio ar gynhyrchiad cymwys.
Mae BAFTA Cymru yn annog pobl ar bob cam o’u gyrfa i ymgeisio am y Gwobrau. Gall myfyrwyr a’r rhai hynny sy’n dechrau ar eu gyrfaoedd creadigol, er enghraifft, ymgeisio am y categorïau Ffurf Fer neu Torri Drwodd, yn amodol ar gyflawni meini prawf cymhwysedd. Nid oes rhaid i ymgeiswyr fod yn Gymry i ymgeisio am Wobrau Cymru ychwaith. Mae ymgeisio’n agored i unrhyw un sydd wedi gweithio ar gynhyrchiad yng Nghymru, ar draws 28 categori.
I gael rhagor o wybodaeth, ewch i entry.bafta.org
About BAFTA
The British Academy of Film and Television Arts is an independent charity that supports, develops and promotes the art forms of the moving image by identifying and rewarding excellence, inspiring practitioners and benefiting the public. In addition to its Awards ceremonies, BAFTA has a year-round programme of learning events and initiatives – featuring workshops, masterclasses, scholarships, lectures and mentoring schemes – in the UK, USA and Asia; it offers unique access to the world’s most inspiring talent and connects with a global audience of all ages and backgrounds. BAFTA relies on income from membership subscriptions, individual donations, trusts, foundations and corporate partnerships to support its ongoing outreach work. To access the best creative minds in film, television and games production, visit www.bafta.org/guru. For more, visit www.bafta.org.
