You are here:

Home
Cymru
Amdanom Ni
Pwyllgor BAFTA yng Nghymru

Pwyllgor BAFTA yng Nghymru

09 April 13

Mae popeth a wnawn yng Nghymru yn dibynnu ar arbenigedd, gwybodaeth a gwaith caled arbenigwyr allweddol diwydiant ar draws y wlad.

Pwyllgor BAFTA yng Nghymru

Aelodau Cyfethol

Elis Owen, Cynrychiolydd BBC Cymru Wales

Huw Rossiter, Cynrychiolydd ITV Cymru

Aled Wyn Philips, Cynrychiolydd S4C

Ar ôl cyfnod byr yn marchnata a Chysylltiadau Cyhoeddus, dechreuodd ei yrfa ym myd darlledu yng nghanol yr 80au, pan ddechreuodd fel cyflwynydd radio a theledu gyda HTV a BBC Radio Cymru cyn symud ymlaen i S4C lle mae nawr yn Benaeth ar Hyrwyddiadau ar yr Awyr.

Yn ystod ei gyfnod yn S4C mae wedi dylanwadu ar frand ar yr awyr y sianel ac mae’n falch iawn o wedi cyflwyno’r teulu arbenig o ddreigiau yn y 90au. Dros y bynyddoedd mae’r tîm hyrwyddo wedi derbyn llawer o anrhydeddau rhynglwdol yn cynnwys Promax UK, Promax Rhyngwladol, Gwobrau Crefft RTS, Sportel, Gwyl Ffilm Efrog Newydd, Cyflwyniad EBU a’r Wŷl Cyfryngol Geltaidd.

Yn gyn aelod o bwyllgor Llywio Cyflwyniad EBU, RTS Cymru ac yn aelod bwrdd Promax UK yn cynnwys fod yn Gadeirydd y gynhadledd yn 2005, mae bellach yn cynrychioli S4C ar bwyllgor BAFTA Cymru.

Mae ei ddiddordebau wedi cynnwys cadeirio pwyllgor y Cylch Meithrin, Dirprwy Gadeirydd corff llywodraethu Ysgol Pwll Coch, cadeirio pwyllor hel arian i’r Eisteddfod Genedlaethol yng Nghaerdydd ac ers 2008 mae wedi cadeirio pwyllgor Clwb y Diwc, mae’n dal i fod yn hoff o fod yn DJ ac i ddarparu sain a chymorth goleuo mewn gigs a digwyddiadau.

Mae Aled yn briod gyda un mab.

Ian Thomas

Mae Ian wedi bod yn ddatblygydd ac ysgrifennydd gemau am bron i ddwy degawd. Mae wedi gweithio mewn teledu rhyngweithiol, addysg, gwneud pypedau, film, cyhoeddi ac yn y diwydiant gemau fideo, lle mae wedi bod yghlwm a datblygu nifer o gemau LEGO ar gyfer Traveller’s Tales, sydd wedi ennill llawer o wobrau. Mae ei llyfr dirdro i blant, “Where’s My Shoggoth?” ar gael mewn siopau comig yn y DU a’r UDA- dylid gêm bwrdd ddilyn cyn bo hir. Ar hyn o bryd mae’n arwain tîm adeiladol i’r cwmni digwyddiadau rhyngweithiol, Profound Decisions, ac mae’n gweithio i Double Eleven fel rhaglennydd gameplay a dylunydd naratif, gan iddo newydd gwblhau a lawnio’r feirniadol o fri, LittleBigPlanet ar gyfer Playstation Vita.

Aelodau Etholedig

Dewi Vaughan Owen, Cadeirydd

Ar ôl gweithio i'r BBC yng Nghymru ers dros ddeng mlynedd ar hugain yr wyf ar hyn o bryd yn dal swydd Uwch Rheolwr Materion Cyfreithiol a Busnes BBC Cymru yn arwain tîm o gyfreithwyr a swyddogion gweithredol sy'n gyfrifol am wasanaethu anghenion busnes y BBC yn Saesneg ac yn Gymraeg ar gyfer cynyrchiadau mewnol a chomisiynu allanol. Cyn fy rôl bresennol roeddwn yn gyfarwyddwr stiwdio a darlledu allanol ar gyfer Newyddion a Materion Cyfoes y BBC.

Fel aelod llawn o'r Academi a Chadeirydd BAFTA yng Nghymru am y ddwy flynedd diwethaf mae’n fwriad gennyf geisio am ail-etholiad i Bwyllgor BAFTA yng Nghymru er mwyn helpu gyflawni cylch llawn o weithredu o dan ein Rheolau Llywodraethu a Changen newydd a llwyddiant Gwobrau’r Academi Brydeinig yng Nghymru yn 2012.

Richard Staniforth

Cynhyrchydd Cyfryngau sydd wedi ennill gwobr BAFTA Yng Nghymru mewn ffilm, teledu a chyfryngau newydd gyda phrofiad mewn cynhyrchu ffilmiau nodwedd (y ffilm ddiweddaraf ‘Resistance’ i’w rhyddhau hydref 2011), teledu (50+ o gynyrchiadau i S4C, BBC, ITV a Channel 4), gemau rhyngweithiol ar-lein ac oddi ar-lein a chynhyrchu addysgol (Fireman Sam – Continental Drift prosiect ffilm barddoniaeth ar-lein yn 2010/11). Rwyf yn aelod o Academi Cyfryngau Skillset fel cadeirydd y pwyllgor Cynhyrchu ac yn gweithio gyda Phrifysgol Morgannwg fel darlithydd achlysurol ar y cwrs MA Ysgrifennu Sgript. Fel cefnogwr brwd o BAFTA yng Nghymru (cadeirydd ddwywaith), aelod Ffilm a Gwlad BAFTA UK ac aelod rheolaidd o bwyllgor rheoli BAFTA yng Nghymru gallaf ddod â phrofiad hir i’r pwyllgor newydd o dan ei gyfansoddiad newydd a buaswn yn croesawu’r cyfle i gefnogi’r aelodaeth Gymreig unwaith eto.

Bruce Steele

Mae Ewen “Bruce” Steele wedi bod ynglwm a graffeg cyfrifiadurol ers dros 30 mlynedd. Symudodd i Gaerdydd yn 1981 fel cerddor proffesiynol yn gweithio yn Top Rank, ond ar yr un pryd roedd ganddo ddiddordeb mewn cyfrifiaduron.. Fe ddaeth cyfrifaduron yn swydd iddo i HTV a S4C. Roedd yn ymgynhorydd technegol i HTV ac ef oedd yn gyfrifol am Stylus yng Nghaerdydd a sefyfydlodd y system 3D gyntaf tu allan i Lundain.

Symudodd i Lundain i sefydlu Snapper Bytes (yn MGMM) aeth ymlaen i weithio fel Penaeth 3D i Complete Video wedyn i Click 3x yn Efrog Newydd. Ar ôl dychwelyd i Lundain roedd yn gyd-sylfaenydd o Glassworks lle roedd yn Benaeth o Prosiectau Arbennig ac yn Gyfarwyddwr o Effeithiau Gweledol am dros 10 mlynedd.

Yn 2006 dyfarnwyd Doethuriaeth iddo mewn Technoleg am ei gyflawniadau yn y diwydiant graffeg cyfrifiadurol ac addysg o Brifysgol Bournemouth.

Symudodd yn ôl i Gymru yn 2006 ac sefydlodd Hyperspace, y cysyniad, technoleg ac ymgynghoriaeth CGI. Ers dychwelyd i Gymru mae Bruce wedi creu FX gweledol ar gyfer ffilmiau fel Rembrandt a Solomon Kane, ac mae wedi gweithio fel ymgynghorydd technegol ar amryw o prosiectau gwahanol yn datblygu syniadau a meddalwedd ar gyfer adloniant ac addysg. Yn ddiweddar bu yng nghlwm a Leighton Andrews Task a Finish Group yn cynghori ar y dyfodol o Technoleg Digidol mewn addysg.

Yn ddiweddar, ehangodd Bruce i ddatblygu App’s; roedd ei gem gyntaf yn efelychydd hedfan mewn 3D i iOS a gafodd ei gyhoeddi ym mis Mai 2012 ac ennillodd y safle o’r gem efelychu uchaf ei wethiant yn y DU. Enw’r gem yw The Dambusters ac hwn yw’r cyntaf i gael ei drwyddedu gan MOD/RAF. Ar y funud mae’n gweithio i ddatblygu App’s ac hefyd mae’n gweithio ar VFX ar gyfer rhaglenni teledu.

Gary Howe

Wedi bod yn Gyfarwyddwr Castio am fwy na deuddeg mlynedd, rwyf o hyd yn chwilio am dalent newydd Cymreig. Fel Cymro balch rwy’n credu’n gryf yn BAFTA yng Nghymru fel sefydliad. Rwyf hefyd yn credu y byddai fy mhrofiad gwaith pob dydd yn elwa BAFTA yng Nghymru tra’n chwilio am aelodau ifanc, newydd, i’r sefydliad pwysig hwn. Rwyf eisoes wedi bod yn aelod o’r pwyllgor am rhai blynyddoed, ac edrychaf ymlaen, petawn yn cael fy ethol, unwaith eto, i’r pwyllgor, i adeiladu ar y profiad hwn i fod yn aelod gwerthfawr unwaith eto.

Jill James

Ganwyd Jill yn y Bontfaen, ac ar ôl hyfforddi’n wreiddiol fel cyfrifydd, penderfynodd newid gyrfa a mynd i Goleg Drama. Mae wedi treulio dros 30 mlynedd mewn theatr, ffilm a theledu fel Actores, Cyflwynydd radio a theledu yn ogystal â Chynhyrchydd. Daeth Jill i amlygrwydd cenedlaethol ym 1988 fel wyneb Nwy Prydain, a pharhaodd hynny am sawl blwyddyn. Cyflwynodd a chynhyrchodd Jill ei sioe sgwrsio radio dyddiol ei hun yn Llundain; mae ganddi sawl credyd ffilm a theledu yn cynnwys fel cynorthwy-ydd John Irvin ar “Hamburger Hill”, ei balchder ar hyn o bryd yw ei bod ar “You Tube”!!

Yn gyd-sylfaenydd TAPS, y cynllun cenedlaethol i ddarganfod a hyfforddi doniau ysgrifennu newydd ar gyfer ffilm a theledu, bu Jill yn rhedeg y cynllun fel Cyfarwyddwr Gweithredol a Chynhyrchydd am 18 mlynedd, gan greu TAPS CYMRU hefyd. Mae Jill hefyd yn Gyfarwyddwraig yr Asiantaeth Lenyddol ‘Culverhouse and James Ltd’, Bu Jill yn gwasanaethu ar GYNGOR BAFTA yn Llundain am 10 mlynedd; creodd a chadeiriodd adran Digwyddiadau ac Addysg BAFTA. Roedd yn aelod o FFORWM HYFFORDDI SKILLSET a threuliodd 5 mlynedd ar banel diwydiant Academi Sgrin Skillset yng Nghymru. Mae Jill wedi dychwelyd i Gymru ac wedi sefydlu “The Barn at West Farm” yn Southerndown.

David Ball

Ymunodd David â’r diwydiant ffilm ym 1969 fel cyfrifydd cynhyrchu cynorthwyol a bu’ gweithio yn Elstree Studios o dan gyfarwyddyd Brian Forbes. Mae ei gredydau yn ystod y cyfnod hwnnw yn cynnwys “The Boyfriend,” “The Railway Children” a “The Go Between.” Ym 1972, daeth yn Gyfrifydd Ffilm llawrydd ac erbyn 1978 roedd wedi gweithio ar dros ugain o ffilmiau a chyfresi teledu. Manteisiodd ar y cyfle i ddod yn Reolwr Cynhyrchu a chan gyfuno ei brofiad ariannol a chynhyrchu daeth yn Gynhyrchydd Llinell, yn Gynhyrchydd ac yn Completion Guarantors yn fuan iawn. Bellach mae ei brofiad yn ymestyn i dros ddeugain o ffilmiau a chynyrchiadau teledu mewn pedwar cyfandir.

Ym 1997 gwahoddwyd David i ddod i Gaerdydd i fod yn Gynhyrchydd “bondable” ar “Up n Under.” Dilynwyd hyn gan Mabinogion”, “House!”, “Last Seduction II” a “The Testimony of Taliesin Jones” a dderbyniodd 5 enwebiad BAFTA Cymru. Mae ei gynyrchiadau eraill yng Nghymru yn cynnwys “Alone”, ”Anazapta”, “The I Inside” a “Plots with a view” a enillodd wobr BAFTA. Erbyn hyn mae wedi ffilmio bymtheg o weithiau yng Nghymru. Mae David, sydd yn aelod gweithgar Urdd Cynhyrchu’r DU (aelod bwrdd am y tair blynedd cyntaf), wedi bod yn aelod o Banel Hyfforddi Ffilm “Skillset Cymru” . Mae hefyd yn awdur prysur ac wedi cwblhau chwe drama ffilm, chwe drama teledu, nifer o straeon byrion a’i nofel gyntaf.

Sion Clwyd Roberts

Ymunodd Sion â’r cwmni cyfreithiol o Gaerdydd, Capital Law ym mis Chwefror 2010 ac mae’n Arbenigwr Cyfryngau ac IP, wedi treulio dros 20 mlynedd mewn Adrannau Cyllid, Cyfreithiol a Materion Busnes yn S4C ac ITV gan ennill gwybodaeth helaeth am gynhyrchu ffilm a theledu a busnesau darlledu. Ar hyn o bryd mae’n cynghori amrediad o gwmnïau mewn darlledu, cynhyrchu ffilm, teledu a hysbysebion a chydymffurfiaeth, cyhoeddi a chynhyrchu cerddoriaeth a chyhoeddi llyfrau a chyhoeddi ar-lein.

Mae’n cynrychioli cwmnïau cynhyrchu TAC mewn trafodaethau gydag undebau talent y diwydiant ac mae hefyd wedi cyflwyno nifer o seminarau a sesiynau hyfforddi ar gyfer y sector cynhyrchu teledu. Mae Sion wedi cynrychioli ITV Wales ar bwyllgor rheoli BAFTA yng Nghymru, mae wedi bod yn aelod cyngor o TAC ac yn is Gadeirydd bwrdd sefydlu Theatr Genedlaethol Cymru.

Teresa Hennessy

Bûm yng Ngholeg Brenhinol Cerdd a Drama Cymru rhwng 1980 a 1983 yn dilyn y cwrs perfformio tair blynedd. Dychwelais adref i Benfro wedi cwblhau’r cwrs i weithio yn Theatr Torch, Aberdaugleddau fel Rheolwr Llwyfan Cynorthwyol, Dirprwy Reolwr Llwyfan ac fel actores, gan lwyddo i ennill fy ngherdyn Equity llawn yn y broses. Yn ystod yr wythdegau, bûm yn gweithio i gwmni theatr Made in Wales, ac yn dilyn y cyfnod hwnnw, teithiais i’r rhan fwyaf o theatrau Cymru wrth actio mewn dramâu stoc. Mae gennyf brofiad o weithio mewn ffilm, teledu a radio, ac mae gen i ddiddordeb arbennig yng ngwaith ysgrifenwyr newydd. Rwyf hefyd yn ymfalchïo’n fawr yng ngwaith a datblygiad BAFTA yng Nghymru, ac rwy’n falch o’r cynnydd sydd wedi’i wneud. Rwy’n arbennig o falch o ymdrechion BAFTA yng Nghymru wrth inni gefnogi a hybu unigolion a chwmnïau o fewn y diwydiant. Credaf fod y cynnydd a wnaed dros y ddwy flynedd ddiwethaf yn anhygoel, a byddwn yn ddiolchgar am eich pleidlais er mwyn fy ngalluogi i barhau’r gwaith fel aelod ymroddedig o bwyllgor BAFTA yng Nghymru.

Ynyr Williams

Mae Ynyr yn Gynhyrchydd Cyfres Pobol Y Cwm, opera sebon y BBC sydd wedi bod yn rhedeg hiraf. Mae hefyd yn Gynhyrchydd Gweithredol ar Gynyrchiadau Eisteddfod BBC Cymru/Wales. Dechreuodd ei yrfa fel actor a bu’n gweithio i’r holl brif ddarlledwyr ac ef oedd cyd-sylfaenydd FFILMIAU SALEM rhwng 2000-2007. Mae Ynyr wedi cynhyrchu a chyfarwyddo ar draws y genres o raglenni plant i raglenni crefydd, o adloniant ysgafn i ddrama a nodwedd. 2003 – cynhyrchodd 'DAL:YMA/NAWR' – ffilm ddogfen nodwedd 35mm ar farddoniaeth Cymraeg gyda’r cyfarwyddwr – Marc Evans ac yn cynnwys Rhys Ifans, Sian Phillips, John Cale, Cerys Mathews, Mathew Rhys, Ioan Gruffydd, Daniel Evans.2002/3/4 – Cynhyrchydd Gweithredol ar gyfer yr Undeb Darlledu Ewropeaidd ar 'OLYMPIC STORIES' – cyfres o ffilmiau byrion ffuglen 10 munud ar fywydau athletwyr Olympaidd – gwledydd yn cynnwys gwlad Groeg, Slofenia, Iwerddon, Croatia, gwlad Pwyl, Romania, Norwy, Cymru, Gweriniaeth Tsiecoslofacia a Macedonia. 2003 – cynhyrchu JOHNNY OWEN – THE LONG JOURNEY' – dogfen a enillodd ddwy wobr BAFTA i BBC4 a BBC Wales ar fywyd a marwolaeth trist y bocsiwr o Gymru, Johnny Owen.

Mark John

Yn Gynhyrchydd TV/Radio/Ffilmiau Byr a Ffilmiau Nodwedd sefydledig am 28 mlynedd, dechreuodd Mark gyda’r BBC (1984-1994), yno symudodd ymlaen i’r sector annibynnol – Prospect Media Group (1994-2000) & Vision Thing Communications (1994-presenol). Graddiodd Mark o’r European Media Training Agency EAVE (2004) ac bellach mae’n cynrychioli Cymru fel eu Cydlynydd Cenedlaethol.

Mae Mark wedi gweithio ar lefel uwch ar draws yr holl lwyfannau cyfryngol, gyda llawer o’i allbwn Teledu a Radio wedi ei ddarlledu hyd a lled y DU. Mae ei waith teledu a radio wedi ennill llawer o wobrau iddo dros y blynyddoedd. Mae wedi cynhyrchu nifer o ffilmiau byr yn cynnwys 4 i’r BBC a Cynllun Digital Visions Cyngor Ffilm y DU yn 2005/6 gyda 5 arall yn 2010/11 i’r UK Digital Shorts Scheme (wedi ei harianu gan yr Asinataeth Ffilm Cymru a’r UK Film Council’s New Cinema Fund)

Dangoswyd ei ffim diweddaraf ‘A Boy Called Dad’ yn gyntaf yn yr Ŵyl Ffilm yng Nghaeredin ym mis Mehefin 2009. Cyfawryddwr y ffilm oedd Brian Percival, ac roedd y cast yn cynnwys Ian Hart gyda The Works a Kaleidoscope yn gweithio iddo ar gyfer gwerthiant a dosbarthiad yn y DU. Dangoswyd y ffilm am y tro gyntaf yng Nghymru yn y Soundtrack Festival, Caerdydd, 2009 – cafodd ei ddangos ar 30 sgrin gwahanol yn 2010. Mae Mark yn cynrychioli Cyngor TAC (y Gynghrair Cynhyrchwyr Cyfryngau Cymru) drwy ddelio gyda materion polisiau sgiliau a hyfforddi, mae hefyd yn cynrychioli TAC ar fwrdd Creative Skillset Cymru a’r Training Framework. Mae Mark yn cadeirio y Skillset Media Academy i Gymru a’r Media Sub-Group yn ogystal ac eistedd ar fwrdd rheoli SMAW.

Yn ogystal mae’n werthuswr ac asesydd Cenedlaethol i Creative Skillset ac yn ddiweddar fe’i gadwyd fel un o’u Prif Priswyr Diwydiant ar gyfer yr ail-drwyddedu o’r Academi Cyfryngol Ledled y DU – nawr mae’n un o’i aseswyr cwrs byr i HE a CPD
Mae Mark wedi cadw ei swydd fel Ymgynhorydd y Diwydiant Creadigol gyda Chyngor Caerdydd.

Hannah Raybould

Mae Hannah wedi bod yn aelod o bwyllor BAFTA Cymru am y dair mlynedd ddiwethaf ac mae’n cynrhychioli cyswllt gyda Addysg Bellach ac Hyfforddiant.

Mae’n Rheolwr Skillset Media Academy Wales, partneriaeth rhwng 4 Prifysgol yng Nghymru sef (Casnewydd, Aberystwyth, Abertawe Metropolaidd a Morganwg).

Mae’r Media Academy yn cynnig dosbarthiadau meistr, lleoliadau, cyfleuoedd preswyl a gwybodaeth am y diwydiant i fyfyrwyr ac i raddedigion ar gyrsiau achrededig Creative Skillset mewn ffilm, teledu, gemau, animeiddiad a VFX. Mae’r Academi hefyd yn cydlynu hyfforddiant trwy prosiect cwrs byr Skillset Academi+.

Dosbarthiadau Meistr – Mae Media Academy a BAFTA wedi cyd-weithio ar nifer o ddosbarthiadau meistr gan agor digwyddiadau’r Academi i gynulleidfa mwy. Yn 2012-13 mae’r Media Academy wedi dweud eu bod am drefnu cyfres o ddosbarthiadau meistr gyda ennillwyr gwobrau BAFTA Cymru.

Lleoliadau a Briffiau Byw – Mae’r Media Academy wedi trefnu bod myfyrwyr yn ffilmio digwyddiadau BAFTA Cymru ac i weithio yn y swyddfa fel gweithwyr preswyl os fydd angen.

Aelodaeth a Chyfarfodydd – Mae Hannah wedi cefnogi staff BAFTA drwy annog aelodaeth myfyrwyr a dechreuwr gyrfa, mae wedi cefnogi staff gyda trefnu cyfarfodydd a gyda syniadau o bobl fyddai’n gallu cyflwyno gwobrau.
Mae Hannah yn aelod o fwrdd Ffresh Student Moving Image Festival of Wales a Zoom Network yn ogystal a gweithio fel man gwybodaeth i’r UK Interactive Entertainment yng Nghymru a’r Games Wales Group.

Graddiodd o Brifysgol Aberystwyth gyda MA yn Theatr, Ffilm a Theledu ac o Brifysgol Caerfaddon gyda BA mewn Ieithoedd Modern ac Astudiaethau Ewropeaidd. Gweithiodd Hannah fel Location Scout ar gyfer ffilmiau byr a nodwedd, wedi ei leoli yng Nghanolbarth Cymru fel Gweinyddes ar yr Aberystwyth Celtic Film a’r TV Festival cyn symud ymlaen i Sgrin Cymru, lle roedd yn rheolwr marchnata, yn rheoli presenoldeb Cymru yng nghŵyl ffilm Caeredin a Cannes. Yn dilyn hyn roedd yn Rheolwr Marchnata UK ac yn Gydlynydd Yr Ŵyl Celtic Film a Theledu, Caerdydd 2005.

Melanie Hawthorne

Ar hyn o bryd mae Melanie yn Swyddog Datblygu Diwydiannau Creadigol i Brifysgol Morgannwg. Gyda chefndir mewn cyllid a gradd mewn Drama mae Melaine wedi gweithio ar draws llawer o ddisgyblaethau creadigol fel ymaeferwr ac fel un o’r Rheolwyr Prosiect £2.5, Rhaglen Diwylliannol, Caerdydd 2005.

Mae gan Melaine ymwybyddiaeth amlwg mewn cynghori arena cyhoeddus a gwleidyddol ar bolisiau a chyfleuoedd ar gyfer datblygiad economaidd, diwylliannol a chymdeithasol yn yr economi credigrwydd digidol. Mae’n darparu lefel uchel o brofiad mewn Rheoli Prosiect , cynllunio busnes a rhagweld tuedd. Cyfranodd Melanie i ddatblygiad a rheoli’r prosiect yr economi creadigol ac ymgynghoradau’r llywodraeth sydd yn cynnwys: EU Interreg IVB North West Europe: Hyrwyddo cydweithrediad trawswladol yng nghylch entreprenuriaeth a trosglwyddo arloesiad yn y diwydiant credaigrwydd digidol. (TransDC) (2011) EU Interreg IVB North West Europe: Economic Clusters of Cultural Organisations (ECCE) – Partner Cyflawni (2008-2011) EU Green Paper: Unlocking the potential of the Cultural and Creative Industies in Europe ( Cyfranwr allweddol fel rhan o’r Economic – HighDefinition Television Seminars (2010) Academia for Business (2009) Feasibility Study: Wales Centre for Research and Enterprise in Creative Industries (gyda’r Athro Peter Robertson), EU user Led Design Innovation paper (2009) Brainport Development and the city of Eindhoven – Seminar cydweithiol ar y manteision o feddwl am ddylunio ar gyfer Arloesi mewn Busnes (2009).
Mae Melanie wedi gwneud lleoliadau strategol yn yr Adran o Diwydiant,Cyfryngau a Chwaraeon (DCMS) ac mae wedi bod yn aelod gweithredol o’r UKIE Games Trade Association ar gyfer dinas Caerdydd yn Fforwm Dinasoedd Diwydianol y DU (2008) ac fel aelod bwrdd , Comisiwn Sgrîn Cymru (2006-2007).

Ar hyn o bryd mae hi’n yddiriedolwr o Gyngor Y Celfyddydau.

Sion Hughes

Yn ddiweddar fe’m apwyntwyd fel Rheolwr Materion Busnes Uwch yn Rights TV ac rwyf yn gyfrifol am Gymru a’r Gorllewin.

Cyn ymuno a Rights TV roeddwn yn Benaeth Materion Busnes ac yn Gynhyrchydd yn Wild Dream Films. Yn ystod fy nghyfnod yn Wild Dream Films cynhyrchias gyfres teledu reality Big Tiny i’r rhaglen deledu Network Channel Discovery TLC yn y UDA. Cefais fy enwebu am wobr BAFTA am rhaglen ddogfen ar S4C ac roeddwn yn Gynhyrchydd Gorychwylio ar y rhaglen World’s Tallest Man i Discovery US a’r The Second Coming of Christ i’r National Geographic Channel.

Yn ystod fy mywyd rwyf wedi bod yn Brif Weithredwr Cyfle, Dirprwy Prif Weithredwr TAC, Penaeth Contractau a Uned Rheoli Uwch, Plant ac Ieuenctid yn S4C.

Roedd y rhan gynharaf fy nghyrfa yn fy nghalluogi i mi gymryd rhan yn y rhan busnes o deledu ond yn ystod y 5 mlynedd diwethaf rwyf wedi cael profiad gwerth chweil gan fy mod wedi bod yn gweithio fel Cynhyrchydd lle wnes i ddarparu rhaglenni o ansawdd i S4C ond hefyd wedi ennill credydau yn yr UDA fel Cynhyrchydd gyda rhagolygon wirioneddol rhyngwladol.

Yn ystod fy nghyfnod yn S4C cefais ddealltwriaeth o fywyd darlledwr. Roedd fy’n amser yn TAC yn fy nghalluogi i ddysgu beth oedd yn bwysig i Gynhyrchydd Annibynnol ac roedd yn mewnwelediad i wleidyddiaeth y diwydiant. Roedd fy amser yn Cyfle yn werth chweil ac roedd yn helpu i adnabod a meithrin y talent yng Nghymru.

Yn Rights TV rwyf nawr yn gweithio i helpu ac i gefnogi Cynhyrchwyr Cymru unwaith eto ac rwyf a diddordeb i rannu fy ymwybyddiaeth a profiadau trwy BAFTA.

Sue Jeffries

Graddiodd Sue Jeffires o Goleg Prifysgol Cymru, Aberystwyth ac ymunodd ITV fel PA dan hyfforddiant a gweithio ei hun i fyny drwy’r graddau cynhyrchu o Prif Cynorthwy-ydd Cynhyrchu, i goruchwiliwr Sgriptiau, Rheolwr Cynhyrchiad, Cynhyrchydd Llinell, Cyfarwyddwr a Chynhyrchydd. Mae Sue wedi bod yn gweithio ar ei liwt ei hun ers 1989, ac mae wedi gweithio fel cynhyrchydd a chyfarwyddwr ffilm a theledu am fwy na 16 mlynedd, rhan fwyaf ym myd drama, rhaglenni plant ac adloniant ysgafn. Mae ei chredydau diweddaraf yn cynnwys Cynhyrchydd Gweithredol ar The Bright Lights (ffilm byr digidol), ac yn Gyd- Gynhyrchydd ar The Britsh Guide to Showing Off, rhaglen ddogfen nodwedd wedi ei arianu gan Film London a FAQ. Gweithiodd yn ddiweddar fel Rheolwr Cynhyrchiad ym Mhentref Ddrama newydd y BBC, Porth y Rhath, Caerdydd, yn gweithio gyda cynhyrchiadau fel Casualty,Dr Who, Pobol y Cwm ac Upstairs Downstairs gan eu bod wedi cael eu ail leoli yng Nghymru. Mae Sue hefyd yn gweithio fel hyfforddwr ac ymgynhorwr diwydiant ac mae’n darparu gweithdai ar gyfer asiantaethau a darlledwyr megis Cyfle a’r BBC.

Tyrone D Murphy

Mae Tyrone D Murphy yn dod o Gasnewydd ac mae wedi bod aelod o BAFTA Cymru a BAFTA UK ers blynyddoedd. Mae’n wneuthurwr ffilm pen ei gamp ac mae wedi cynhyrchu a chyfarwyddo llawer o’i ffilmiau ei hun yn cynnwys y rhaglen ddogfen AID’s Awareness “The Hollywood Graffiti Gown”
Fe yw sylfaenydd a CEO o’r Universal Film and Festival Organisation sydd yn hyrwyddo arferion busnes orau rhwng gŵyliau ffilm a’r gymdeithas cynhyrchu ffilmiau. Mae UFFO gyda 180 o Wyliau ffilm byd eang ac mae ganddynt 75 aelodau pwyllgor dros 60 gwlad wahanol.

O dan arweinyddiaeth Tyrone mae UFFO wedi creu llawer o gynghreiriau strategol gyda llawer o sefydlaiadu byd eang fel y Directors Guild of Great Britain, Cinovat, Directors UK, Production Base, The Art Cinema Network (3000 Sinemau) a llawer mwy o sefydlaidau eraill.Mae’r sefydliad hefyd wedi gweithredu nifer o raglenni yn cynnwys cyflwyno ffilm gost-effeithiol sydd yn ymgorffori Gwyl ffilm a system docynau. Ar y funud mae UFFO yn datblygu y bartneriaeth UFFO Film Schools a’r rhaglen ddysgu i helpu i sicrhau swyddi i fyfyrwyr ffilm sydd yn graddio o Ysgolion Ffilm ond sydd ddim yn gweithio yn y diwydiant. Y peth mwyaf arloesol i’r UFFO yw’r UFFO Cinema Archive sydd yn anelu i drosglwyddo ac i gadw ffilmiau i geneldaethau’r dyfodol mewn ffurf digidol.

Mae Tyrone hefyd yn gweithio fel cyhoeddwr a golygydd i’r cylchgrawn rhad ac am ddim a ddechreuodd yn 2011 “Universal Film Magazine” i bobl yn y diwydiant, ac sydd nawr yn cael ei ddosbarthu i 1.6 miliwn o bobl mewn dros 100 o wledydd.
Mae hefyd yn cymryd rhan mewn gweithgareddau codi arian fel Tŷ Hafan a’r Victoria Park Boxing Club yng Nghaerdydd ac mae’n eiriolwr ar gyfer cadw treftadaeth diwyllianol frodorol Gymreig i gynnwys ffilm, drama ac adrodd straeon.
Enwebwyd Tyrone yn 2011 ar gyfer y Production Base Industry Awards am ei waith gyda UFFO.