Newydd ar gyfer 2016: Gwahoddiad i’r cyhoedd ymuno â sêr ac enwebeion ar y carped coch
Y seremoni i’w ffrydio’n fyw ar wefan BAFTA Cymru, nos Sul 2 Hydref
Heddiw rydym wedi datgelu enwau rhai o’r enwebeion, y cyflwynwyr a’r gwesteion arbennig eraill ar gyfer Gwobrau’r Academi Brydeinig yng Nghymru a gynhelir nos Sul yn Neuadd Dewi Sant yng Nghaerdydd.
Bydd sêr y sgrîn fawr a’r sgrîn fach yn mynychu 25ain seremoni BAFTA Cymru, sy’n anrhydeddu rhagoriaeth mewn darlledu a chynhyrchu ym maes ffilm a theledu yng Nghymru, a bydd llu o wynebau cyfarwydd o fyd y theatr, cerddoriaeth a chwaraeon yn ymuno â nhw.
Bydd y DJ a’r cyflwynydd Huw Stephens yn dychwelyd i gyflwyno’r seremoni am yr eildro, lle y bydd sêr y dramâu teledu Hinterland, Gwaith Cartref, Byw Celwydd a’r ffilm The Library Suicides, a wnaed yng Nghymru, yn bresennol, y mae rhai ohonynt wedi’u henwebu am sawl gwobr BAFTA Cymru eleni.
Mae’r rhai hynny y disgwylir iddynt ddisgleirio ar y carped coch yn cynnwys, ymhlith eraill, y digrifwr a’r actor Michael Palin sydd wedi ennill gwobr BAFTA, y digrifwr Terry Jones sydd wedi’i enwebu am wobr BAFTA, y golurwraig Siân Grigg sydd wedi ennill gwobr BAFTA, y cyflwynydd ac anuriaethwraig Lowri Morgan sydd wedi ennill gwobr BAFTA Cymru, yr actor Game of Thrones Robert Pugh (derbynnydd Gwobr Sian Phillips yn 2012), Alexa Davies, Jacob Ifan, Richard Elis, Spencer Wilding, Ffion Dafis a’r digrifwr Elis James.
Mae’r cyflwynwyr a’r mynychwyr eraill sydd wedi’u cadarnhau hyd yma yn cynnwys yr actores Catrin Stewart, a enillodd y wobr Perfformiad Gorau mewn Ffilm Brydeinig yng Ngŵyl Ffilmiau Caeredin eleni am ei rôl yn The Library Suicides/Y Llyfrgell.
I ddathlu 10 mlynedd o Torchwood, bydd yr actorion Gareth David Lloyd a Naoko Mori yn bresennol, yn ogystal â Chadeirydd BAFTA Cymru, sef y cyflwynydd Angharad Mair, o Tinopolis.
Bydd cyn-enillwyr BAFTA Cymru Eve Myles, sydd ar hyn o bryd yn ymddangos yn y ddrama Victoria a Sara Lloyd Gregory a Sian Phillips hefyd yn mynychu.
Darperir adloniant y noson ar y llwyfan gan Kizzy Crawford.
A hithau’n siaradwr Cymraeg o dras Bajan, dechreuodd gyrfa’r unawdwr Kizzy Crawford, sy’n 19 oed, ddwy flynedd yn ôl yn unig; ac, yn ystod y derbyniad diodydd, gan berfformwyr Coleg Brenhinol Cerdd a Drama Cymru, sef Band Miroshnichenko.
Cynhyrchir y seremoni am yr eildro gan David Mahoney, sy’n fwyaf adnabyddus am ei waith fel cynhyrchwr digwyddiadau cerddoriaeth fyw gan gynnwys y dathliad Dinas yr Annisgwyl diweddar yng Nghaerdydd, rhaglenni teledu amrywiol ac aelod o’r ensemble lleisiol Only Men Aloud sydd wedi ennill gwobr Brit Clasurol.
Bydd y digwyddiad yn cael ei ffrydio’n fyw ar wefan BAFTA Cymru, www.bafta.org/wales, a wnaed yn bosibl gan noddwyr y digwyddiad, sef Gorilla Post Production.
Mae 21 categori rhaglen, crefft a pherfformiad yn rhan o 25ain Gwobrau’r Academi Brydeinig yng Nghymru, sy’n anrhydeddu rhagoriaeth mewn darlledu a chynhyrchu ym maes ffilm a theledu yng Nghymru yn ystod y cyfnod 1 Ebrill 2015 a 31 Mawrth 2016.
Gwahoddir aelodau’r cyhoedd i ymuno â’r enwebeion a gweithwyr proffesiynol y diwydiant yng Ngwobrau eleni. Mae tocynnau ar gael ar gyfer y derbyniad siampên, y seremoni a’r parti hwyr am £90, sy’n cynnwys llyfryn argraffiad cyfyngedig y Gwobrau a chynigion ar gyfer bariau a chlybiau lleol.
Gellir prynu tocynnau o Swyddfa Docynnau Neuadd Dewi Sant
029 20 878444 / Neuadd Dewi Sant
Noddwyr Gwobrau’r Academi Brydeinig yng Nghymru
AB Acoustics
Prifysgol Aberystwyth
Audi
BBC Cymru Wales
Bluestone
Buzz Magazine
Capital Law
Coleg Caerdydd a’r Fro
Maes Awyr Cymru Caerdydd
Cuebox
Deloitte
Da Mihle Gin
Denmaur
DW Design
ELP
Ethos
Genero
Prifysgol Glyndŵr
Gorilla
HMV
Holiday Inn Express
Hotel Chocolat
Ken Picton
Mad Dog Casting
Minuteman Press
Pinewood
Premiere Travel
Princes Gate
Coleg Brenhinol Cerdd a Drama Cymru
S4C
Sony
Gwesty Dewi Sant
Sugar Creative
Taittinger
Trosol
Prifysgol De Cymru
Prifysgol Cymru y Drindod Dewi Sant
Villa Maria
Working Word